Müasir həyatın ən çox yayılmış xəstəliklərindən biri olan piylənmə insanların fiziki imkanlarını məhdudlaşdırır, psixoloji problemlər yaradır. Daha da əhəmiyyətlisi, ölümcül xəstəliklərin inkişafında rol oynayır. Bu səbəblə insanın ideal sağlam çəkisini qoruyub saxlaması, piylənmə sərhədində olan və ya piylənmə riski yüksək olan xəstələrin diyetisyen və mütəxəssis həkim nəzarətində ideal çəkiyə çatması son dərəcə əhəmiyyətlidir. Bir çox insanlar çəki artımı və piylənmənin iradə çatışmazlığından qaynaqlandığını düşünür. Bununla belə, piylənmə çoxfaktorlu bir prosesdir; genetika, ətraf mühit faktorları, həyat tərzi, psixoloji faktorlar və daha çox şey piylənmədə mühüm rol oynayır. Son illərdə bütün dünyada epidemik xəstəlik olaraq görülən piylənmə yaxından izlənilməli və təcili müalicə edilməlidir, çünki köklük müalicə edilmədikdə həyati təhlükə yarada bilər.
